19.12.2013

Вiншуем Уладзiслава з дасягненнем!

Стаўшы пераможцам у абластным этапе конкурса “Шляхам добрых спраў”, Пранчак Уладзіслаў, вучань “Сярэдняй школы № 1 г. Ляхавічы”, 30 лістапада 2013 г. адправіўся адстайваць гонар сваёй школы, раёна, вобласці на Рэспубліканскі валанцёрскі форум,які праходзіў  ў Нацыянальным адукацыйна-аздараўленчым лагеры “Зубраня”. Сярод шэрагу іншых прадстаўнікоў з розных куткоў Беларусі, якія абаранялі свае працы, наш Уладзіслаў стаў адным з лепшых і быў узнагароджаны дыпломам II-й ступені ў намінацыі “Рэха ў будучыню” конкурса “Шляхам добрых спраў”, які праходзіў у рамках рэспубліканскай акцыі “Жыву ў Беларусі і тым ганаруся”. Як адзначыў Уладзіслаў, перамагчы яму дазволіла падтрымка родных, сяброў, і, вядома,  свайго кіраўніка, Дзянішчык Алены Андрэеўны, якая з першых дзён дапамагала яму ва ўсім і нават хвалявалася за яго больш, чым ён сам. Далей у размове ён звярнуўся да тых, хто яшчэ не ўступіў у рады валанцёраў: “Моладзь, якая неабыякавая да лёсу іншых людзей, будзь з намі! Ад нас залежыць будучае, мы яго выбіраем!”

Быць валанцёрам — вельмі цікава і карысна. Гэтая дзейнасць фарміруе лідарскія якасці, узаемападтрымку, паразуменне, творчы падыход да выканання справы.  Такім з’яўляецца  і наш Уладзіслаў – сапраўдным лідарам сваёй справы, маладым чалавекам, які падае вялікія надзеі на тое, што наша краіна ў руках сумленных людзей.